Ish-kryeministri Sali Berisha, ka mbërritur në Kavajë, qytet në cilin do të zhvillojë foltoren e rradhës me demokratët, për një Parti Demokratike, më të bashkuar, më të fortë dhe më të hapur.
Megjithatë, Berisha nuk mbërriti në orën 17:00 ashtu siç kishte njoftuar, dhe sipas tij, arsyeja e vonësës ishte bllokimi i rrugës nga njerëz të kryeministrit Edi Rama.
Sali Berisha: ”Kavaja çliroi qytetin tuaj nga diktatura. Grupet anti-komuniste të këtij qyteti, u përballen me diktaturën në stadiumin Besa e në komisariat. Në këtë përballje ra për tu bërë i pavdekshëm, Josif Buda. Themelimi i PD-së e gjeti në këmbë dhe të lirë Kavajën. Unë kam ardhur me vonesë tashmë sepse Edi Rama skuthin e tij të familjes zgjodhi të më bllokojë rrugën për të më vonuar ardhjen këtu. Unë nga kjo platformë dhe para jush i them hiq dorë nga këto akte të ulta, sepse do të ngujohesh në Surrel dhe nuk do të zbresësh dot derisa të vendosim ne.”
