Ende nuk ka një vendim për deputetin demokrat, Ervin Salianji në lidhje me çështjen “Babale”, pasi seanca e kësaj të premteje, u shty me datë 24 prill, ora 10:00.
Jetmir Olldashi ka kërkuar përjashtimin e Iliba Bezatit, pjesë e trupës gjykuese bashkë me Elona Toro dhe Genti Shala.
Salianji është parë jashtë gjykatës, i shoqëruar nga deputetët demokratë, Ina Zhupa, Agron Gjekmarkaj, Luan Baçi, Saimir Korreshi e disa të tjerë.
Salianji u dënua nga Shkalla e Parë me 1 vit burg për kallëzim të rremë lidhur me çështjen “Babale”, teksa Apeli do të vendosë pas më shumë se 3 vitesh.
Apeli do të vendosë nëse do të lërë në fuqi vendimin e Shkallës së Parë, do ta shpallë të pafajshëm apo do të japë një vendim alternativ.
