Wednesday, June 12, 2024

Paralajmërimi i Bankës Botërore: Konflikti Izrael-Hamas mund të rrisë çmimet e naftës, 3 skenarët që parashikohen

Banka Botërore paralajmëron se përshkallëzimi i konfliktit midis Izraelit dhe Hamasit mund të shkaktojë rritje të ndjeshme të çmimeve të naftës. Në një raport të ri, thuhet  se ndikimi i konfliktit ka qenë i kufizuar deri më tani, me çmimet e naftës që janë rritur rreth 6% dhe çmimet e mallrave të tjera – si ushqimi dhe metalet – nuk kanë pasur ndryshime të mëdha.

Banka Botërore thotë se ekonomia globale është në një vend shumë më të mirë për të përballuar një lëvizje të madhe të çmimit të naftës sesa në vitet 1970, por paralajmëron se një përshkallëzim i konfliktit – i kombinuar me ndërprerjet nga pushtimi rus i Ukrainës – mund të çojë në dyfishim të çmimeve, shkruan CNN.

Nëse konflikti përshkallëzohet, Banka Botërore ka paraqitur tre skenarë të mundshëm për çmimet e naftës, në varësi të shkallës së ndërprerjes së furnizimit me naftë. Në një “skenar të vogël ndërprerjeje”, të ngjashëm me atë që rezultoi nga lufta civile në Libi në 2011,  çmimet e naftës mund të rriten deri në 103 dollarë për fuçi.

Në një “skenar të mesëm ndërprerjeje”, për të cilin Banka Botërore thotë se do të ishte e barabartë me luftën në Irak në 2003, çmimet e naftës mund të rriten deri në 35% në 121 dollarë për fuçi.

Një “skenar i madh i ndërprerjes” – që Banka Botërore thotë se do të ishte i krahasueshëm me embargon arabe të naftës në 1973 – do të shihte që çmimet e naftës të rriteshin deri në 75% më lart, në 157 dollarë për fuçi.

“Konflikti i fundit në Lindjen e Mesme vjen pas goditjes më të madhe në tregjet e mallrave që nga vitet 1970 – lufta e Rusisë me Ukrainën”, tha kryeekonomisti i Bankës Botërore, Indermit Gill. “Nëse konflikti do të përshkallëzohej, ekonomia globale do të përballej me një goditje të dyfishtë energjetike për herë të parë në dekada – jo vetëm nga lufta në Ukrainë, por edhe nga Lindja e Mesme.”, shtoi ai.

spot_img
spot_img
spot_img
spot_img

LAJME TE TJERA

Më SHUMë