Enkelejd Alibeaj ka thirrur mbledhjen e grupit parlamentar të Partisë Demokratike.
Alibeaj ka njoftuar që mbledhja të mbahet ditën e nesërme në orën 09:00 në selinë e PD, pak para nisjes së seancës plenare të Kuvendit.
“Përshëndetje!
Nesër në orën 09:00 do të zhvillojmë mbledhje grupi në seli.
Ju faleminderit!”, thuhet në mesazhin që i ka dërguar grupit të PD-së, Arbi Agalliu, sekretar i grupit.
Në këtë mbledhje janë dhe anëtarë nga Komisioni i Rithemelimit të ish-kryeministrit Sali Berisha, por ky i fundit, nuk do të jetë i pranishëm për shkak se është i përjashtuar nga grupi parlamentar.
Kjo mbledhje vjen menjëherë pasi deputetët e PD-së kanë kërkuar që të ulen në tavolinë për të negociuar një zgjidhje të përbashkët për situatën brenda kampit opozitar.
