Sunday, February 25, 2024

Rama: Shqipëria do të mbetet thellësisht e përkushtuar ndaj Procesit të Berlinit

Kryeministri Edi Rama ka falenderuar kancelarin gjerman, Olaf Scholz për udhëheqjen e tij, me rastin e Kongresin të Partisë Social Demokrate që po zhvillohet në Berlin.

Përmes një postimi në rrjetet sociale, Rama u shpreh se procesi i rinovuar i Berlinit është vetëm një nga shumë sukseset e miqve dhe aleatëve në Berlin.

Ndër të tjera, kreu i qeverisë shtoi se Shqipëria do të mbetet thellësisht e përkushtuar ndaj Procesit të Berlinit.

“Me rastin e Kongresit të SPD në Berlin, ju falënderoj sinqerisht kancelar Olaf Scholz për udhëheqjen e tij. Procesi i rinovuar i Berlinit është vetëm një nga shumë sukseset e miqve dhe aleatëve tanë në Berlin. Shqipëria do të mbetet thellësisht e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor”, shkruan Rama në platformën X.

spot_img
spot_img
spot_img
spot_img

LAJME TE TJERA

Më SHUMë