Një autobus me shtetas kosovarë që po udhëtonte nga Peja drejt Gjermanisë, është sulmuar në Serbi.
Sipas raportimeve të mediave në Kosovë, ngjarja ka ndodhur rreth orës 21:00 të mbrëmjes së djeshme në Krushevc.
Fatmirësisht, nga ky incident nuk ka pasur asnjë person të lënduar.
Ndërkohë, janë siguruar edhe fotografi nga autobusi që u sulmua me gur, ku shihet se xhami i përparmë i autobusit është dëmtuar.
Autoritetet në Serbi ende nuk kanë reaguar në lidhje me këtë incident.