Ish-kryeministri Sali Berisha, në takimin e tij zhvilluar në Lezhë, ka bërë thirrje se Kuvendi Kombëtar i Partisë Demokratike do të mbahet më 11 dhjetor.
Në këtë Kuvend Berisha do të synojë që të rikthejë referendumin, me anë të të cilt të shkarkojë kryetarin e Partisë Demorkatike, Lulzim Basha.
Sali Berisha: “Nga Lezha kam kënaqësinë të informoj demokratët se më 11 dhjetor do mbahet Kuvendi Kombëtar i Partisë Demokratike. Rroftë Lezha, rroftë Partia Demokratike”.
Kjo datë përkon edhe me ditën e krijimit të Partisë Demokratike, e cila u krijua më 11 dhjetor të vitit 1990 nga një grup studentësh dhe intelekualësh shqiptarë midis të cilëve Azem Hajdari, Sali Berisha, Gramoz Pashko, Arben Imami, Aleksandër Meksi, Eduard Selami etj.
