Ish-Kryeministri Sali Berisha thotë se Kuvendi i 11 Dhjetorit është një nga ngjarjet më të mëdha të vendit, por jo vetëm kaq.
Sipas tij, ky Kuvend është ngjarje historike edhe për partitë konservatore në botë.
Sali Berisha: “Sot nga kjo platformë dua të përshëndes forcat konservatore në Europë, SHBA dhe kudo në botë. Kuvendi ynë sot është ngjarje historike për ata dhe konservatorët kudo që ndodhen në botë sepse ai mblidhet si Kuvend i cili përballet me sukses i vendosur të rrëzojë narkoshtetin në Shqipëri, por i vendosur gjithashtu të ngrejë PD si parti konservatore në piedestalin që meriton duke u përballur me mafien më të rrezikshme të planetit, atë të armikut më të egër të interesave të shqiptarëve, multimiliarderit George Soros.”
