Ukraina arriti një fitore të madhe mbrëmjen e djeshme në Skoci, ku mposhti vendasit me rezultatin 1-3 në ndeshjen e vlefshme për gjysmëfinalet e “Playoff-it” për Kupën e Botës “Katar 2022”.
Edhe pse Ukraina ndodhet prej disa muajsh në luftë me Rusinë, ushtarët ukrainas në Kharkiv kanë mundur të shohin ndeshjen e kombëtares së vendit të tyre.
Në rrjetet sociale është postuar një video, ku shihen ushtarët ukrainas të cilët mbajnë armët në duar dhe shohin ndeshjen përmes një celulari brenda një vendstrehimi.
Ata kanë festuar për golat e realizuar nga futbollistët ukrainas dhe për fitoren e ndeshjes.
Ukraina do të përballet me Uellsin në finalen kualifikuese të dielën.
Fituesi do të shkojë në Katar në nëntor për të luajtur në grupin B kundër Anglisë, Shteteve të Bashkuara dhe Iranit.
View this post on Instagram
