Bajerni vjen në ndeshjen e sotme pasi mundi 5-1 skuadrën e Leverkusenit në fundjavë. Kampionët e Gjermanisë do t’i duhet të heqin dorë nga dy prej lojtarëve më të mirë siç janë mesfushori Leon Gorecka dhe anësori i majtë, Alfonso Dejvis. Njëri ka një ftohje dhe tjetri një lodhje muskulore.
Në vendin e Goreckës pritet të luajë Marsel Zabicer dhe në vend të Dejvisit, Lukas Hernandez. Ndërkohë, mbrojtësi i qendrës, Dajot Upamekano, tha në konferencën për shtyp se skuadra e tij ishte gati për të bërë një tjetër ndeshje të madhe pas asaj të luajtur në Leverkusen.
“Trajneri na tha që ata janë një skuadër me shumë eksperiencë. Ata luajnë në shtëpi dhe duan të fitojnë me patjetër. Duhet të jemi gati dhe të mos lejojmë që të pësojmë gol. Benfika është vetëm pak pikë pas nesh dhe kështu duhet të qëndrojë”, tha mbrojtësi francez.
