Presidenti ukrainas, Volodimir Zelenski ka deklaruar se vendi i tij nuk ka marrë armë të mjaftueshme për të ndaluar rrethimin e Mariupolit dhe për ta çliruar atë.
Ai u tha ligjvënësve maltezë se mbrojtësit ukrainas “ende vazhdojnë rezistencën e tyre në uzinën e Azovstal”, raporton Sky News.
Zelenski shtoi se po përdorin të gjitha instrumentet e mundshme diplomatike për t’i shpëtuar ata, por Rusia nuk lejon asnjë nga opsionet e propozuara.
“Ne u kemi kërkuar partnerëve tanë të sigurojnë armë për të zhbllokuar Mariupolin dhe për të shpëtuar civilët dhe personelin ushtarak”, tha Zelenski.
Ai vazhdoi të pretendonte se qytetet e Ukrainës janë goditur nga 2,250 raketa gjatë dy muajve.
“Bombardimet nuk ndalen as ditën e as natën”, tha Zelenski.
