Deputeti i Partisë Demokratike, Zef Hila është paraqitur mëngjesin e së enjtes në zyrat e Strukturës së Posaçme Kundër Korrupsionit dhe Krimit të Organizuar (SPAK).
Ende nuk dihen arsyet se përse Hila ndodhet sot në ambientet e SPAK. Por kjo nuk është hera e parë që deputeti shkon në instucionin e drejtësisë.
Ai u paraqit në SPAK edhe në 21 shtator të këtij viti. Ish-kryebashkiaku i Vaut të Dejës u shpreh pas marrjes në pyetje nga SPAK në cilësinë e personit që ka dijeni për rrethanat e hetimit, për një çështje që është në proces.
Hila theksoi se nuk mund të japë detaje, pasi hetimi i çështjes është në proces nga organi procedues dhe konsiderohet sekret.
