Komisioneri për Zgjerim dhe Fqinjësi në Bashkimin Evropian, Oliver Varhelyi ka reaguar pas arritjes së një marrëveshjeje mes Kosovës dhe Serbisë për targat e automjeteve.
Përmes një postimi në rrjetet sociale, Varhelyi u shpreh se marrëveshja e lehtësuar nga BE, ishte e suksesshme për të shmangur përshkallëzimin e mëtejshëm të situatës në veri.
Ai shtoi se negociatat duhet të vazhdojnë derisa të arrihet normalizimi i marrëdhënieve mes dy vendeve.
“Mirëpres lajmin se marrëveshja mes Beogradit dhe Prishtinës, e lehtësuar nga Bashkimi Evropian, ishte e suksesshme për të shmangur përshkallëzimin e mëtejshëm. Negociatat duhet të vazhdojnë drejt normalizimit të marrëdhënieve’, shkroi Varhelyi në Twitter.
Welcome the news that an arrangement facilitated by EU between #Belgrade and #Pristina was successful to avoid further escalation.
Negotiations need to continue towards normalisation of relations.
— Oliver Varhelyi (@OliverVarhelyi) November 24, 2022
