Suedia ka deklaruar se dëshiron që të anëtarësohet në NATO.
Kryeministrja suedeze, Magdalena Andersson tha se kjo lëvizje shënon fillimin e një epoke të re për vendin skandinav, shkruan Euronews.
“Qeveria e Suedisë ka vendosur të informojë NATO-n për gatishmërinë e saj që të bëhet një anëtare e aleancës”, u shpreh ajo.
Suedia i është bashkuar Finlandës në synimin e tyre për t’u bërë pjesë e aleancës ushtarake, për shkak të agresionit rus në Ukrainë.
Qeveria e Finlandës njoftoi të dielën se do të aplikojë për t’u bashkuar me NATO-n, duke hequr dorë nga neutraliteti i dekadave të luftës dhe duke injoruar kërcënimet ruse për hakmarrje të mundshme.
Ndërsa, zëvendësministri i Jashtëm rus Sergei Ryabkov tha sot e Finlanda dhe Suedia nuk duhet të kenë iluzione se Moska ‘do të durojë anëtarësimin e tyre në aleancën ushtarake të NATO-s, duke e quajtur atë një gabim që do të kishte pasoja të gjera’.
