Raketat ruse të lëshuara nga anijet në Detin e Zi goditën dhe shkatërruan një depo raketash dhe sisteme mbrojtëse pranë Kievit, sipas Ministrisë së Mbrojtjes të Moskës të cituar nga agjencitë ruse.
Ministria e Mbrojtjes ruse thotë se goditi objektivat ushtarake në qytetin perëndimor të Ukrainës, Lviv, me raketa me precizion të lartë. Rusia goditi një depo karburanti që përdorej nga forcat ukrainase pranë Lvivit me raketa me rreze të gjatë veprimi për të goditur një fabrikë në qytet që po përdorej për të riparuar sistemet kundërajrore dhe stacionet e radarëve.
“Më 26 mars, armët me precizion të lartë të lëshuar nga ajri shkatërruan një bazë të madhe karburanti pranë qytetit të Lviv, e cila siguronte karburant për trupat ukrainase në rajonet perëndimore të Ukrainës, si dhe afër Kievit,” tha zëdhënësi i Ministrisë ruse të Mbrojtjes, Igor Konashenkov në një konferencë të dielën.
Konashenkov konfirmoi një sulm të veçantë në Lviv të shtunën, duke thënë se raketat e lundrimit kishin shënjestruar punëtorët e uzinës së riparimit të radios në Lviv, për të cilën ai pretendoi se kryente riparimin dhe modernizimin e sistemeve të armëve ukrainase.
Ndërkohë që autoritetet ukrainase kanë konfirmuar goditjen në bazën e karburantit në Lviv. Shërbimi Shtetëror i Emergjencave të Ukrainës tha të dielën se zjarri që shpërtheu në depon e karburantit në Lviv ishte shuar në orën 6:49 të mëngjesit.Kryetari i bashkisë së Lviv, Andriy Sadovyi, tha në një postim në Twitter të dielën se zjarrfikësve iu deshën 14 orë për të shuar zjarrin.
Konashenkov pretendoi se armët e lëshuara nga deti kishin shënjestruar një objekt të ruajtjes së raketave ukrainase 18 milje (30 kilometra) në jugperëndim të Kievit.
