Napoli ka shkatërruar 4-0 Lacion në kuadër të javës së 14 të Serisë A. Vendasit e nisën furishëm, duke zhbllokuar rezultatin në minutën e 7 me mesfushorin Zielinski dhe vetëm 3 minuta më vonë dyfishuan me Mertens.
Ishte sërish sulmuesi belg që do shënonte golin e tretë për Napolin dhe të dytin personal në minutën 29, duke i dhënë një goditje të fortë ekipit të Sarrit.
3-0 ishte rezulati përfudimtar i 45 minutave të para, ndërsa e dyta nisi me një Lacio e cila tentoi të bënte diçka, por Napoli e kontrolloni mirë lojën dhe në minutën e 85 shënoi edhe golin e 4 me Ruiz.
Me këtë fitore, Napoli shkëputet me tre pikë në krye, ndersa Lacio bie në vendin e 8.
Reali i Madridit mori një fitore të rëndësishme 2-1 ndaj Sevijas.
Ekipi i Ancelottit luajti një ndeshje me karakter ndaj një rivali direkt si andaluzianët në kampionat që ishin aty-aty me madrilenët në renditje dhe me gjithë se shënuan të parët me Rafa Mir në minutën e 12, nuk mundën ta përballonin presionin vendas.
Në minutën e 32, falë edhe një gabimi të portierit të Sevijas, Benzema vuri baraspeshën për të ardhur më pas në pjesën e dytë, ku një perlë e Vinisius në minutën e 87 i dha fitoren dhe vulosi rezultatin përfundimtar.
Me këtë sukses, Reali i Madridit shkëputet në renditje me 33 pikë, 4 më shumë se rivalët e Atletikos së Madridit.
