Ambasadori Richard Grenell, deklaroi se Sekretari Amerikan i Shtetit, Antony Blinken po sfidohet nga një Gjykatë Ndërkombëtare, duke iu referuar asaj të Parisit, ku ish-kryeministri Sali Berisha e ka paditur për shpifje.
Grenell thekson se mbështetja financiare që Soros i jep Blinken dhe familjes së tij, përkthehet nga ky i fundit në sanksione që ndalojnë udhëtimet drejt SHBA të kundërshtarëve të manjatit amerikan.
Ky është një skandal, shkruan në Twitter Grenell.
“Sekretari i Shtetit Blinken po sfidohet në një Gjykatë Ndërkombëtare. Mbështetja e madhe financiare e familjes Blinken nga George Soros ka ngritur pikëpyetje në lidhje me sanksionet e njëanshme për udhëtimet që vendos Blinken ndaj kundërshtarëve të Soros. Ky është një skandal”, shkruan Grenell, ndërsa ka etiketuar në postimin e tij kongresmenin Lee Zeldin.
. @SecBlinken is being challenged in an international court. The Blinken family’s massive financial support of George Soros has raised questions about Blinken’s unilateral travel sanctions on Soros’ opponents.
This is a scandal. @RepLeeZeldin is on it.https://t.co/vDgJxjCi98
— Richard Grenell (@RichardGrenell) November 6, 2021
