“Rusia mund të kryejë një sulm të plotë kundër Polonisë, shteteve baltike dhe Kazakistanit si pjesë e një operacioni të posaçëm ushtarak global për çmilitarizimin dhe denazifikimin.”– kështu është shprehur deputeti rus Savostyanov.
Deklaratat pro luftës nga pala ruse vijnë në një moment kur ditën e nesërme pritet të nis një tjetër raund bisedimesh ballë për ballë midis Kievit dhe Moskës në Turqi, ndërsa Kremlini nuk duket fort i bindur të heq dorë nga qëllimet e tij për t’i hapur rrugë paqes.
I ndalur tek kërcënimi i hapur i anëtarit të Dumës, kryenegociatori i Ukrainës dhe këshilltari i Presidentit Zelensky, Mykhailo Podolyak, shkruan se: “Ky është vetëm fillimi. Rusia premton qartë se do të ketë shumë gjak në Evropë”.
