Dy shqiptarë janë arrestuar dje nga policia e Padovës në Itali, pas përfundimit të një operacioni që çoi në sekuestrimin e mbi 20 kilogramëve drogë. Agjentët i vunë re në rrugën “Configliachi”, jo shumë larg “Prato della Valle” teksa ishin në një makinë dhe njëri prej tyre hyri në një ndërtesë dhe u largua pak më vonë me një qese të rëndë.
Pasi u larguan me automjet, ata u ndaluan jo shumë larg nga policia. Shoferi tentoi madje të arratisej në këmbë duke u futur fshehurazi në një pallat, por të dy u bllokuan dhe u dërguan në komisariat.
Në makinë u zbulua një ndarje e veçantë e vendosur në vend të airbagut në anën e pasagjerit, ku kishte gjysmë kilogram marijuanë. Gjithashtu u kontrollua dhe apartamenti nga i cili u pa të dilte njëri prej tyre, dhe u sekuestruan 5.5 kilogram kokainë.
