Përfundon ndeshja e xhiros së 9 të eliminatoreve të Kampionatit Botëror “Katar 2022”. Anglia ka shkatërruar Shqipërinë me rezultatin e thellë 5-0.
Vetëm 9 minuta lojë dhe Anglia shënon golin e parë ndaj Shqipërisë. Një goditje dënimi e shkaktuar nga Gjasula ndaj Kejn bëri që Xhejms të krosonte në shtyllën e dytë, aty ku Megajër nuk fali me kokë…
Një gabim i pafalshëm i mbrojtjes që nuk ruante shtyllën e dytë, më së shumti Uzuni, pasi Megajër dihet që është goditës për shtatlartësinë e tij.
Në minutën e 14, Uzuni humbi shansin i artë, sulmuesi i vetëm me Pikford gaboi, portieri i Anglisë grushtoi topin.
5 minuta më vonë, Anglia nuk fali, aksion model nga “3 luanët” me Kejn që brenda zonës ndëshkoi sërish Shqipërinë.
Në minutën e 29, Shqipëria pësoi golin e tretë. Henderson dribloi mbrojtjen kuqezi dhe më pas e ndali topin në fundin e rrjetës.
3 minuta më vonë, Anglia nuk fali sërish, Kejn ndëshkoi sërish kuqezinjtë që duken sikur nuk janë fare në fushë. Në minutën e 66, Laçi tentoi me rroveshat, por shkaktoi faull.
Me këtë humbje, Shqipëria mban vendin e 3 me 15 pikë, ndërsa Anglia renditet në vendin e 1 me 23 pikë.
