Policia spanjolle ka bërë të mundur shkatërrimin e një bande shqiptare të drogës, të cilët kishin krijuar plantacion me kanabis.
Mediat vendase raportojnë se dy shqiptarë janë arrestuar në malin e Pedrës, ndërsa një tjetër është shpallur në kërkim. Këtij të fundit, i janë gjetur disa dokumente.
Sipas Gardës Civile, bëhet fjalë për plantacionin më të madh të identifikuar vitet e fundit në Galicia, në veriperëndim të Spanjës, me 3,437 bimë kanabis në një zonë prej 2 500 metra katrorë.
Toka i përkiste komunës së Pedrës dhe kishin qenë banorët që kishin njoftuar policinë për praninë e dyshimtë të shqiptarëve.
Dy nga shqiptarët e arrestuar jetonin për një kohë të gjatë në mal, në çadrat ngjitur me plantacionin. Ata kishin mjetet e nevojshme për të jetuar aty për një kohë të gjatë.
