Serbia dëshiron të zbatojë marrëveshjet që janë nënshkruar, nga ajo në Bruksel e në Ohër.
Kështu u shpreh presidenti serb, Aleksandër Vuçiç pas takimeve në Bruksel, teksa theksoi se Serbia nuk mund ta njohë Kosovën, shkruan N1.
“Serbia, në përputhje me politikën e saj, ka thënë qartë se dëshiron të zbatojë të gjitha marrëveshjet që janë nënshkruar, nga ajo bazë e vitit 2013 deri në ato të mëvonshme në Bruksel dhe Ohër, me një gjë që ne gjithmonë e kemi theksuar dhe atë Dihet që nga fillimi – se Serbia nuk mund ta pranojë anëtarësimin e Kosovës në Kombet e Bashkuara, as pavarësinë e Kosovës dhe në ato qëndrime kemi thënë se jemi të gatshëm të përmbushim gjithçka që është rënë dakord”, deklaroi Vuçiç.
