Rusia e ka sulmuar Ukrainën me një numër rekord dronësh iranianë më 25 nëntor, duke i plagosur disa njerëz dhe duke shkaktuar dëme, thanë zyrtarët ukrainas, duke e cilësuar këtë si sulmin më të madh rus prej se Moska e nisi pushtimin e paprovokuar të Ukrainës në shkurt 2022.
Kryeqyteti Kiev ish cak i sulmeve që presidenti i Ukrainës, Volodymyr Zelensky, i cilësoi si “veprime të qëllimshme terroriste”.
“Rusia i lëshoi rreth 70 dronë shahed në Ukrainë pikërisht në prag të ditës së përkujtimit të gjenocidit të Holodomorit”, shkroi Zelensky në rrjetin social X, duke iu referuar përvjetorit të viktimave të urisë së shkaktuar nga dora e njeriut më 1932-33, si pasojë e të cilës vdiqën miliona njerëz në Ukrainë.
Mbrojtja Ajrore e Ukrainës tha se i ka rrëzuar 71 prej 75 dronëve – rreth 60 mbi Kievin – me të cilët Rusia e sulmoi të shtunën.
“Luftëtarët tanë i rrëzuan shumicën e dronëve, por jo të gjithë”, shkroi Zelensky.
Russia launched around 70 "Shahed" drones at Ukraine precisely on the eve of the Holodomor genocide commemoration day. Russia’s leadership appears to be proud of its ability to kill people.
— Volodymyr Zelenskyy / Володимир Зеленський (@ZelenskyyUa) November 25, 2023
Our warriors shot down the majority of the drones, but not all of them. We keep working…
