“Rusia nuk do të ndalojë shkëmbimet e të burgosurve me Ukrainën lidhur me rrëzimin e Ilyushin-76”.
Kështu u shpreh presidenti rus, Vladimir Putin, shkruan Tass.
“A do të ndalojnë shkëmbimet apo jo? Ne nuk do të ndalojmë shkëmbimet. Ne duhet të kthejmë djemtë tanë në shtëpi,” tha ai.
Rusia vazhdon shkëmbimin e robërve të luftës me Ukrainën. Gjatë 24 orëve të fundit, 195 ushtarakë rusë janë shkëmbyer me 195 ushtarakë ukrainas.
Emiratet e Bashkuara Arabe ndërmjetësuan shkëmbimin, tha Ministria Ruse e Mbrojtjes.
