Janë publikuar pamjet më të fundit nga kolona kilometrike e automjeteve të blinduara të Rusisë, të cilat i janë drejtuar prej ditësh kryeqytetit të Ukrainës, Kievit, por që kanë ngecur në vend.
Pamjet 3D tregojnë kolonën ushtarake ruse që llogaritet të jetë rreth 64 kilometra e gjatë, i cila ka ngecur pranë Kievit.
Rusia është në rrugën e saj për në Kiev me një kolonë ushtarake kilometrike por mbërritja duket se është vonuar, kjo edhe për shkak të pajisjeve të mirëmbajtura keq.
“Fillimisht u fol për një autokolonë mjetesh ushtarake ruse pesë kilometra gjatë rrugës për në Kiev, më vonë u lexua se ishte mbi 64 kilometra. Ajo që është e sigurt është se një kolonë e madhe po shkon drejt kryeqytetit ukrainas, dhe se kjo kolonë është ndalur. Imazhet satelitore tregojnë se kolona mezi po bën ndonjë përparim.”- shkruajnë mediat e huaja.
Satellite company 3D footage of Russian convoy near Kyiv stretching 64 km pic.twitter.com/tGXXmxAcSW
— Amichai Stein (@AmichaiStein1) March 4, 2022
