Erion Çela është 35-vjeçari që mbeti i vrarë ditën e sotme në një atentat në zonën e Don Boskos në Tiranë. Ai ka qenë në një lokal në këtë zonë me 4 persona të tjerë në një tavolinë dhe aty kanë ranë pre e breshërive të armëve.
Nga të shtënat e armëve janë plagosur Arben Dani 46 vjeç, i cili ka mbetur i plagosur në këmbë, Azbi Selimaj 19 vjeç është dëmtuar në shpatull, ndërsa Edmond Crroj 41 vjeç ka marrë plagë në këmbë dhe në bark. Ndërkohë është plagosur dhe vëllai i viktimës, Blerim Çela, i cili është dëmtuar në këmbë dhe në fytyrë.
Policia ndërkohë ka nisur punën për zbardhjen e ngjarjes dhe janë ngritur pika kontrolli në zona në zona të ndryshme në Tiranë në përpjekje për të kapur autorët.
