Presidenti i Republikës, Ilir Meta publikon një video të vitit 2015 ku ai flet për kreun e PD Lulzim Basha dhe që atëherë është shprehur se këtë të fundit populli do “dëgjonte çudi të mëdha”.
“Të dashur miq, Më këtë freskim kujtese, për një konstatim që në vitin 2015, ju uroj të gjithëve një fundjavë të mbarë, të paqtë dhe të gëzuar, përfshirë edhe “artistin” e Rilindjes”, shkruan Presidenti Meta krahas videos.
Ky reagim i Metës vjen pak minuta pas atij të Presidencës, e cila i përgjigjej akuzave të Lulzim Bashës. Kreu i PD tha dje në media se Ilir Meta i kishte shkatërruar fushatën PD dhe vetë LSI. Sipas Presidencës, Lulzim Basha i është ulur në gjunjë Metës në Gjermani që të anulonte zgjedhjet e 2019.
“Hipokriti, që gjoja do përmbyste me dhunë regjimin në mitingun e 8 qershorit 2019, iu lut në gjunjë dhe me lot në sy Presidentit Meta, në Gjermani, për t’i anulluar zgjedhjet vendore se nuk i kontrollonte dot më njerezit dhe se mund të kishte gjakderdhje”, thuhet ndër të tjera në reagimin e Presidencës.
