I dërguari i posaçëm i Bashkimit Evropian për dialogun ndërmjet Beogradit dhe Prishtinës, Miroslav Lajçak, ka njoftuar se për dialogun ka biseduar me përfaqësues të qeverisë gjermane dhe Ministrisë së Punëve të Jashtme, si dhe me të dërguarin e qeverisë britanike për Ballkanin Perëndimor, Stuart Peach, përpara takimit të paralajmëruar në nivelin më të lartë në Bruksel.
Lajçak fillimisht në Berlin, siç tha ai, ka pasur diskutime të rëndësishme në selinë e kancelares gjermane dhe Ministrisë së Punëve të Jashtme për gjendjen e dialogut dhe mënyrën e arritjes së progresit, para takimit të dialogut në Bruksel javën e ardhshme.
“Të fokusuar në nevojën për përparim në zbatimin e Marrëveshjes për rrugën e normalizimit. Ne jemi mirënjohës për mbështetjen e fortë të Gjermanisë”, tha Lajçak në rrjetin social X (Twitter).
After landing back in Brussels, I caught up with 🇬🇧 Western Balkan envoy Lord Peach. Always good to hear about his latest activities, exchange assessments of recent developments in the region and brief him on our efforts in the Dialogue. pic.twitter.com/lljrM3tewc
— Miroslav Lajčák (@MiroslavLajcak) September 7, 2023
