Ish-kryeministri Sali Berisha, i ka kthyer përgjigje deklaratave të kryedemokratit Lulzim Basha gjatë konferencës që ky i fundit zhvilloi me gazetarët.
“Burri ka vërtetë 1 jetë me u korit, por besëprerit nuk i dalin as 10 jetë të bëhet burrë”, shkruan Berisha në rrjetet sociale.
Ndërkohë me herët, Basha tha se, “Koha na mbaron të gjithëve ne, dhe në veçanti dikush në moshë bëhet gjithnjë e më shumë i vetëdijshëm se ka më pak dhe jo më shumë kohë nga Zoti. Shqiptarët e dinë thënien e veriut “burri ka kohë me u koritë”. Nuk mund të mos shpreh keqardhjen time për rënien kaq poshtë të Sali Berishës për koritjen e tij dhe shfaqjen si një hije, fantazmë e të kaluarës”.
