Kryetarja e Kuvendit, Lindita Nikolla përjashtoi nga seanca plenare deputetin Flamur Noka, pasi ky i fundit shkaktoi kaos dhe tensione në Kuvend.
Noka nuk u ndal me kaq, por hodhi edhe fjalë kërcënuese në drejtim të kryeparlamentares.
Nikolla iu përgjigj duke i thënë se duhet t’i vijë zor për fjalorin që përdori.
“Zoti Noka jeni të përjashtuar nga seanca, ju lutem lini sallën. Po më kërcënon tani? Të të vijë zor, turp të kesh. Je i përjashtuar nga seanca”, tha Nikolla.
Sakaq, deputetë të Rithemelimit, janë ngritur në këmbë duke bllokuar Foltoren e Kuvendit.
