Seanca plenare e kësaj të enjteje ka nisur me tensione, teksa kryetari i Partisë Demokratike, Sali Berisha kërkoi fjalën për replikë, pas fjalës që pati kreu i Grupit Parlamentar të Partisë Socialiste, Taulant Balla.
Berisha bllokoi foltoren e Kuvendit dhe kryeparlamentarja Lindita Nikolla nuk ia dha fjalën, pasi sipas saj ai kishte shkelur rregulloren.
Duke mos patur të drejtën e fjalës, kryedemokrati hyri live nga llogaria e tij në rrjetin social, Facebook.
Kuvendi i Shqipërisë është mbledhur sot në seancë plenare, ku pritet të jetë një ditë e gjatë për deputetët dhe një seancë e mbushur me tensione për shkak të çështjeve të parashikuara për diskutime.
Në këtë seancë do të diskutohet për kërkesën e bërë nga kryetari i grupit parlamentar të PD, Enkelejd Alibeaj për Interpelancë urgjente me kryeministrin Edi Rama për përmbytjet në Shkodër.
Pika më e debatueshme e ditës së sotme pritet të jetë projektligji për projektin e investimit strategjik “Marina & jahtet e Durrësit”.
