Ish-kryeministri Sali Berisha dha lajmin se jo vetëm që padia e tij ndaj sekretarit Antony Blinken është pranuar, por miqtë e tij e kanë garantuar se dosja ndaj tij nuk ka asnjë provë.
Nga Lezha, ku mbajti Foltoren e rradhës me demokratët, Berisha ftoi çdo zyrtar apo institucion që nëse ka prova apo fakte rreth tij në lidhje me korrupsionin, ta paraqesë në gjykatë.
Sali Berisha: ”Kam kënaqësi t’ju them këtu, ashtu sikurse e morët vesh se gjykatësi në Paris ka pranuar padinë time për shpifje. Miq të mi më kane njoftuar se ajo dosje ka zero fakte, zero prova. Megjithatë, une ftoj Sekretarin e Shtetit, dhe cilindo shtetar apo qytetar të atij institucioni dhe kudo në botë, nëse ka fakte apo ndonjë provë, e ftoj që ta dërgojë në gjykatë. Unë nuk kam asgjë personale.”
