Policia e Shkodrës ka vënë në pranga një 32-vjeçar i shpallur në kërkim për kultivim të bimëve narkotike.
Blutë arrestuan shtetasin L. N., banues në lagjen “Partizani”, Shkodër.
Gjykata e Shkallës së Parë Shkodër më datë 20 dhjetor 2020 i ka caktuar këtij shtetasi masën e sigurimit personal në mungesë “Arrest në burg” për veprën penale “Kultivimi i bimëve narkotike”.
Njoftimi i policisë
Shkodër/Vijon puna për kapjen e personave të shpallur në kërkim.
Kapet dhe vihet në pranga një 32-vjeçar i shpallur në kërkim për kultivim të bimëve narkotike.
Në vijim të punës për lokalizimin dhe kapjen e personave të shpallur në kërkim, specialistët për Hetimin e Krimit në Komisariatin e Policisë Shkodër, në bashkëpunim me Forcën e Posaçme “Shqiponja” të DVP Shkodër, bazuar dhe në informacionet e marra në rrugë operative, menjëherë kanë bërë lokalizimin e vendndodhjes, kapjen dhe ndalimin e shtetasit:
L. N., 32 vjeç, banues në lagjen “Partizani”, Shkodër.
Gjykata e Shkallës së Parë Shkodër, më datë 20.12.2020, i ka caktuar këtij shtetasi masën e sigurimit personal në mungesë “Arrest në burg” për veprën penale “Kultivimi i bimëve narkotike”.
Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.
