Presidenti i Republikës, Ilir Meta, ka theksuar se do të kthehet aktiv në politikë pas përfundimit të mandatit presidencial.
I ftuar në emisionin ”Çim Peka Live” në ”Syri Tv”, Meta tha plani i tij ndryshoi pas zgjedhjeve parlamentare të 25 prillit.
Ilir Meta: “Planet e mia i prishi 25 prilli. Plani im ishte të bëja edhe një mandat tjetër si President. Gjatë kësaj kohe të riparojmë disa gjëra në kushtetutë, edhe për popullin, por edhe për institucionin e Presidentit që të ketë mundësi, instrumente të mbrojë shtetin nga pushteti. Sepse gjithmonë shteti kërcënohet nga pushteti i radhës kushdo qoftë. Ilir Meta si person i ka përballuar dhe do t’i përballojë të gjitha vështirësitë e tij deri në 24 korrik. Por një president tjetër duhet të jetë një president që të mbrojë shtetin“.
