Presidenti Ilir Meta, i ftuar në emisionin “Të Paekspozuarit” në MCN TV, u pyet lidhur me votat që Lulzim Basha dha për zgjatjen e afateve të vettingut.
Meta e ironizoi Bashën, duke thënë se “Luli faqen e ndërron, dje shante, sot lëvdon”, si referencë ndaj faktit se Basha e ka quajtur vettingun një “projekt mafioz”, ndërsa sot votoi zgjatjen e tij.
“Edhe Lulzimi faqe ndërron, dje shante sot lëvdon!
Zoti Basha, në bindjen time të plotë, është ndihmësi më i vetëdijshëm i Edi Ramës, në kapjen e sistemit të drejtësisë, pasi në mënyrë të mirëkoordinuar me të, në të kaluarën, por edhe sot kur roli i tij ka dalë zbuluar si një i infiltruar ka qenë sinkron.
Basha ka bojkotuar kur duhet të merrte pjesë në reformën ne drejtësi.
Kur ka dalë zbuluar si bashkëpunëtor i Edi Ramës, për ta ndihmuar për kapjen e shtetit, është i detyruar të bëjë gjëra të tilla qesharake.
Edhe kur isha kryetar parlamenti kam bërë detyrën time dhe është vetëm merita ime miratimi me 140 vota”, tha Meta.
