Klodian Çalamani është autori i ngjarjes së rëndë të ndodhur mbrëmjen e sotme në Fier, ku vrau dhe groposi djalin 8-vjeçar të fqinjit të tij.
Ka qenë vetë 38-vjeçari i cili ka pranuar autoresinë e krimit, pas presionit të bërë nga ana e forcave të policisë.
Mësohet se i mituri ka qenë duke shëtitur me biçikletën e autorit gjatë mesditës, pasi ishte kthyer nga shkolla.
Ai ka shkuar te shtëpia e Çalamanit për t’i kthyer biçikletën, por në atë moment është rrëmbyer nga autori.
Kanë qenë kamerat e sigurisë së një biznesi aty pranë që kanë filmuar momentin kur i mituri shkon me biçikletë te shtëpia e vrasësit, pasi e ëma, F.V kishte ngritur alarmin për zhdukjen e tij.
Mëoshet se Çalamani i cili pasi e ka rrëmbyer e ka mbajtur të mbyllur për disa orë dhe më pas dyshohet se e ka groposur. Trupi i të miturit u gjet i mbuluar me baltë pas disa orësh kërkimesh nga policia.
Fqinjët kanë raportuar se autori ka qenë i pirë në momentin që ka bërë rrëmbimin.
Por, ky nuk është rasti i parë. Në vitin 2006, Klodian Çalamani së bashku me shokun e tij Florian Vasiu morën peng dhe torturuan për 20 minuta një fqinje në moshë të mitur.
