Presidenti amerikan, Joe Biden zhvilloi të dielën një bisedë telefonike me kancelarin gjerman Olaf Scholz.
Dy udhëheqësit dënuan sërish përpjekjet për aneksimin e territorit të Ukrainës nga Rusia, si dhe shprehën përkushtimin e tyre të vazhdueshëm për ta mbajtur Moskën përgjegjëse, për ato që i quajtën veprime brutale të saj.
Gjithashtu, ata shprehën angazhimin e vendeve të tyre për t’i ofruar siguri e ndihmë ekonomike Ukrainës.
Temë e diskutimit mes presidentit Biden dhe kancelarit gjerman Scholz ishte edhe Ballkani Perndimor.
Presidenti rus, Vladimir Putin, i ka thënë popullit më 30 shtator, se Rusia i ka tashmë katër rajone të reja.
Sipas tij, banorët e katër rajoneve ukrainase të aneksuara nga Rusia – Donjeck, Luhansk, Zaporizhja dhe Herson – e kanë marrë vendimin e tyre.
Ai ka nënshkruar dokumentet e aneksimit dhe ka emëruar liderët rusë në të katër territoret ukrainase
