Presidenti i Serbisë, Aleksandër Vuçiç deklaroi se vendi i tij po vazhdon luftën për Kosovën në të gjithë frontet diplomatike.
Përmes një postimi në rrjetet sociale, Vuçiç u shpreh se kjo luftë kurrë nuk ka qenë e lehtë, dhe se sipas tij po bëhet çdo herë më e vështirë dhe më komplekse.
Ai shtoi se dorëzimi nuk është opsion.
“Dhe këtë javë Serbia vazhdoi luftën në të gjitha frontet diplomatike për Kosovën, fundin e dhunës ndaj serbëve dhe kthimin në dialog, për jetën paqësore dhe të sigurt të popullit tonë dhe stabilitetin e gjithë rajonit. Ajo luftë nuk ka qenë kurrë e lehtë dhe sot, më duket, po bëhet gjithnjë e më e vështirë dhe e ndërlikuar. Kam biseduar edhe me kryeministrat e Holandës, Luksemburgut, Hungarisë, Austrisë dhe Shqipërisë, presidentët e Turqisë dhe Francës, si dhe me zëvendëspresidentin e qeverisë italiane. Të gjithëve u paraqitet rreziku i përshkallëzimeve dhe tensioneve të mëtejshme të panevojshme. Kërkova nga të gjithë bashkëbiseduesit që, para së gjithash, të shikojnë kushtet e patolerueshme në të cilat jeton komuniteti serb në Kosovë dhe Metohi, si dhe të angazhohen shtesë në zbatimin e normave elementare civilizuese dhe juridike, për të mbrojtur popullin tonë që janë të ekspozuar ndaj dhunës dhe presioneve të përditshme.
Me kryeministrat Nehamer dhe Orban, diskutova konkretisht për vazhdimin e bashkëpunimit në mbrojtjen e kufirit kundër migrimit të paligjshëm, për të cilin Serbia ka dhënë tashmë një kontribut të madh, duke vepruar si gjithmonë seriozisht dhe me përgjegjësi, duke dëshmuar në veprim se është një partner i besueshëm i # BE. Lufta vazhdon dhe intensifikohet, sepse dorëzimi nuk është një opsion. Rroftë Serbia!”, shkroi Vuçiç në Instagram.
