Grupi në PD i ish kryeministrit Sali Berisha ka filluar të krijojë tensione dhe kaos në Kuvend, ende pa nisur seanca plenare, ku do të votohet nen për nen buxheti i vitit 2024.
Deputetët nuk janë lejuar nga Garda që të grumbullojnë karriget dhe t’i përmbysin, siç kanë bërë në seancat e fundit.
Në “luftën për karrige” ka përplasje fizike midis disa deputetëve, Lefter Gështenja, Asllan Dogjani dhe Bledion Nallbati të cilët u konfrontuan me gardistët.
Ata madje përdorën edhe fjalor jo të përshtatshëm ndaj gardistëve.
Në seancë mungon Sali Berisha, i cili është i përjashtuar, së bashku me 5 deputetë që e mbështesin, Flamur Noka, Elda Hoti, Albana Vokshi, Gazment Bardhi dhe Edi Paloka.
