Hidhet shorti i Kampionatit Europian, “EURO 2024” që do të luhet vitin e ardhshëm në Gjermani. Shqipëria ndodhet në “grupin e ferrit” së bashku me Spanjën, Kroacinë dhe Italinë.
Ndeshja e parë do të luhet kundër Italisë, më 15 qershor 2024, në Dortmund. Pas 4 ditëve, kuqezinjtë do të luajnë kundër Kroacisë në Hamburg. Ndeshjet e grupeve do mbyllen më 24 qershor kundër Spanjës në Duseldorf.
Kompeticioni më i rëndësishëm nis më datën 14 qershor dhe përfundon më 14 korrik. Përpara fillimit të evenimentit, ekipet pjesëmarrëse do zhvillojnë miqësore të ndryshme, si një mënyrë për t’u përgatitur për finalet e Europianit. Finalja e madhe është vendosur të zhvillohet të dielën e 14 korrikut 2024 në “Olimpiastadion” të Berlinit në orën 21:00.
Shqipëria kualifikueset i mbylli me 15 pikë si vendi i parë i grupit. Fokusi tashmë është te përfaqësuesja, ku trajneri Silvinjo duket se ka ndryshuar mjaft kombëtaren. Sido që të shkojë, Shqipëria ka siguruar 9.25 milionë euro për pjesëmarrjen në turne.
Ndeshjet e Shqipërisë në Europianin e Gjermanisë:
15 qershor Itali – Shqipëri, Dortmund
19 qershor Kroaci Shqiperia, Hamburg
24 qershor Shqiperi – Spanjë, Duseldorf
