Të tjera detaje janë zbardhur në lidhje me aksionin e zhvilluar mbrëmjen së hënës me urdhër të Prokurorisë së Posaçme (SPAK), ku u lëshuan urdhër arreste për ish drejtorin e Policisë Tiranë, Erzen Breçani dhe 10 persona të tjerë, ndërkaq i biri është shpallur në kërkim.
Deri më tani janë 4 persona të arrestuar, përfshirë Breçanin, ndërsa 6 të tjerë janë në kërkim.
Breçani akuzohet për përkrahje të autorëve, e pastrim parash, e më konkretisht për përkrahje të grupit kriminal të Ervin Matës, i cili ka pasur përplasje me Ervis Martinajn.
Grupet kriminale të të dyve janë përplasur në vitet 2009-2020, teksa mësohet se konfliktet kanë nisur për trafikun e drogës.
