Ministri i Jashtëm rus, Sergej Lavrov thotë se Moska “dënon kategorikisht terrorizmin në të gjitha manifestimet e tij, dhe se është gjithashtu kategorikisht kundër vendeve që luftojnë terrorizmin duke përdorur metoda që shkelin në mënyrë flagrante të drejtën ndërkombëtare humanitare”.
Lavrov shtoi se Rusia ishte e shqetësuar për dhunën në Bregun Perëndimor të pushtuar, ku “dhjetëra njerëz janë vrarë”, sipas agjencisë së lajmeve TASS.
Të martën, mjekët palestinezë dhe mediat lokale thanë se forcat izraelite kishin vrarë të paktën tetë persona gjatë bastisjeve në Bregun Perëndimor të pushtuar, duke e çuar numrin total të të vdekurve që nga 7 tetori në gati 200 palestinezë në këtë zonë.
