Një automjet është shkrumbuar nga flakët në qytetin e Bilishtit. Sipas informacioneve paraprake, bëhet me dije se automjeti është në pronësi të shtetases Deizi Arapi.
“Më datë 25.09.2022, rreth orës 02:20, në qytetin e Bilishtit, ka rënë zjarr në mjetin tip “Benz”, në përdorim të shtetases D. A., banuese në Bilisht, i cili ishte i parkuar para banesës”, thuhet në njoftimin e policisë.
Arapi është bërë e njohur herën e fundit për konfliktin me policinë e këtij qyteti, ku edhe me pas u arrestua nga forcat e komisariatit.
Kjo është hera e dytë që Arapit i digjet makina në derën e shtëpisë.
Policia ndodhet në vendngjarje për zbardhjen e rrethanave, por nuk përjashtohet mundësia e konflikteve të kësaj shtetase.
