Gjykata ka vendosur masën e sigurisë “arrest me burg” për dy vëllezërit Fredi dhe Pajtim Rrushi, të cilët akuzohen për rrëmbimin dhe vrasjen e biznesmenit Ruzhdi Hoxha.
Avokati Alban Brengasi ka pretenduar në Gjykatë se nuk provohet që vrasja është kryer nga Fredi Rrushi. Madje sipas tij, nuk provohet që viktima dhe i pandehuri të kenë pasur ndonjë konflikt.
Trupi i pajetë i biznesmenit Hoxha, i zhdukur që prej 20 tetorit, u gjet i varrosur me zhavorr në Qafë-Mollë më 6 nëntor.
Fredi Rrushi dyshohet se është ekzekutori i Ruzhdi Hoxhës, ndërsa i vëllai Pajtim Rrushi e ka ndihmuar për të fshehur krimin dhe akuzohet si bashkëpunëtor.