Thursday, March 28, 2024

Paris/ Shitet me çmim marramendës skeleti i një dinozauri

Një skelet i gjatë rreth shtatë metra i kafshës së lashtë të quajtur triceratops është shitur për një çmim të pabesueshëm prej 7.7 milionë dollarësh në një ankand në Paris.

Dinozauri, i emërtuar “Big John”, sipas pronarit të tokës ku ishin gjetur eshtrat, u shit të enjten nga shtëpia e ankandeve “Hotel Drouot”, shkruan Independent.

Skeleti do të kthehet në “shtëpinë” e vet, sepse është gjetur në territorin e Shteteve të Bashkuara dhe u ble nga një pronar i paidentifikuar amerikan.

Çmimi i shitjes ishte disa fish më i lartë se parashikimi i shtëpisë së ankandeve, e cila priste që skeletin e veçantë ta shiste për 1.4 deri në 1.7 milion dollarë.

 “Është rekord për Evropën”, tha Alexandre Giquello, zyrtar për ankande dhe kryetar i grupit “Drouot Group”, për agjencinë “Reuters”.

Mbetjet e kafshës së lashtë përbëhen nga 200 eshtra dhe thuhet se janë arritje e rrallë dhe e rëndësishme në gjetjen e objekteve të lashta.

Skeleti ndodhet në Librin e Rekordeve Guinness si skeleti më i madh i njohur i një triceratopsi.

spot_img
spot_img
spot_img
spot_img

LAJME TE TJERA

Më SHUMë