Lufta mes Rusisë dhe Ukrainës ka bërë që shumë klube dhe federata të solidarizohen kundër masakrave që po ndodhin. Megjithatë ka dhe nga ata që janë dakord me nismën e Vladimir Putinit.
Në ndeshjen mes Cverna Zvezdës dhe Vozdovacit, miqtë fituan me rezultatin 0-3. Por nuk ishte rezultati i sfidës ai që bëri bujë. Në një pjesë të lojës dëgjohen tifozët e Cverna Zvezdës duke thirrur në kor për luftën në Ukrainë.
“Rusia, Rusia, Rusia”, ishte thirrja e tifozëve, që duket qartë që mbajnë anën e Vladimir Putinit.
Kjo nuk ishte i vetmi rast pasi në ndeshjen e fituar ndaj Partizanit të Beogradit, ata shpalosën një koreografi me varre me ngjyrat e Ukrainës.
