Zëdhënësi i Presidentit Vladimir Putin, Dmitry Peskov ka pranuar se Rusia ka një humbje të konsiderueshme të ushtarëve rusë në Ukrainë.
I pyetur nga gazetarët nëse Rusia ka humbur mijëra trupa, ai tha: “Po, ne kemi humbje të konsiderueshme trupash dhe kjo është një tragjedi e madhe për ne”.
Ai më pas shtoi se tërheqja nga rajoni i Kievit dhe qyteti verior i Chernihiv ishte një “akt i vullnetit të mirë” për të “hequr tensionin” gjatë bisedimeve të paqes.
Peskov përsëriti arsyet e Rusisë për atë që e përshkruan si një “operacion special ushtarak”, duke thënë se Ukraina ishte bërë “anti-ruse” dhe Rusia ishte “me të vërtetë nervoze” pasi NATO “kishte filluar të lëvizte drejt kufijve tanë”.