Gjatë kërkimit të tyre për një sponsor të ri të fanellës, Barcelona mori disa oferta nga kompanitë e këmbimit të kriptomonedhave që ofronin më shumë para se Spotify, por bordi i drejtorëve i ka refuzuar pasi nuk ndjehen rehat me këtë sektor.
Klubi katalanas ka një partneritet me Socios.com dhe Chiliz.net, duke u ofruar mbështetësve Fan Tokens të cilat janë një lloj kriptomonedhë sportive, por presidenti i Barcelonës Joan Laporta ndihej më i sigurt duke shkuar me ofertën më të ulët të gjigantit të transmetimit të muzikës Spotify.
“Është një sektor spekulativ, i rrezikshëm, shumë i ndryshueshëm dhe joetik”, shpjegoi bordi i drejtorëve të klubit.